My Personal Burmese Blog

My Personal Burmese Blog

Skip to: Content | Sidebar | Footer

အေတြးပလံုစီ ၃

14 April, 2015 (14:40) | blog, Personal, Thought | By: စိုင်းလောဝ်ပိန်း

ယေန႔သည္ ၂၀၁၅ခုႏွစ္ ဧၿပီလ ၁၄ ရက္ေန႔၊ သၾကၤန္အက်ေန႔ျဖစ္ပါသည္။ သၾကၤန္တြင္ ပါ၀င္မဆင္ႏြဲနိုင္သည္မွာ ၅ႏွစ္ေက်ာ္သြားေလၿပီ။ ဒီေန႔ေတာ့ ရန္ကုန္တြင္ ဆင္ႏြဲေနမည့္ သၾကၤန္ကို စိတ္တြင္မွန္းဆ၍ ငယ္ဘ၀မွ သၾကၤန္အျဖစ္အပ်က္မ်ားကို သတိရေနမိပါသည္။

လူမွန္း စသိတတ္သည့္အရြယ္တြင္ သၾကၤန္သည္ ကၽြန္ေတာ္တို႔အဖို႔ အေတာ္ေပ်ာ္စရာေကာင္းခဲ့ပါသည္။ မိသားစု ထံုးစံပဲလားေတာ့ မသိပါ၊ သၾကၤန္တြင္းတြင္ ကၽြန္ေတာ္တို႔သည္ အိမ္ၾကမ္းျပင္မ်ားကို ဆပ္ျပာနဲ႔ ေသခ်ာတိုက္ခၽြတ္ေဆးေၾကာၾကပါသည္။ ၾကမ္းျပင္ကို ဆပ္ျပာေရနဲ႔ ေလာင္း အ၀တ္ သို႔မဟုတ္ အုန္းဆံဖတ္နဲ႔ တိုက္ၾကပါသည္။ တိုက္ၿပီးသည့္ၾကမ္းျပင္ေနရာမ်ားကို ေရဗံုးလိုက္ ေရမ်ားမ်ားေလာင္း၍ ေဆးၾကပါသည္။ အိမ္မွာ ေျခသံရွည္ သစ္သား အိမ္ျဖစ္ေသာေၾကာင့္ ထိုကဲ့သို႔ ေရမ်ားမ်ားသံုး၍ ေဆးေၾကာရ လြယ္ျခင္းျဖစ္ပါသည္။ ေဆးေၾကာၿပီးလွ်င္ အိမ္ေပၚသို႔ မည္သည့္မွ် မတက္ရေတာ့ပါ။ ေရေျခာက္ေအာင္ ေစာင့္ၾကရပါသည္။ မျဖစ္မေန တက္ၾကရမည္ဆိုပါလွ်င္ ေျခေထာင္ကို သန္႔စင္စြာ ေဆးေၾကာၿပီးမွ တက္ၾကပါသည္။ ထိုအခါတြင္ ေရစိုေနေသာ ၾကမ္းျပင္ေပၚတြင္ ေျခရာေလးမ်ား က်န္ခဲ့ပံုမွာ အလြန္သေဘာက်စရာေကာင္းပါသည္။ ယခုေတာ့ ထိုစဥ္ကလို ၾကမ္းျပင္ကို ေရမေဆးေတာ့ပါ။ ထိုအေလ့အထ ဘယ္တုန္းက ေပ်ာက္ကြယ္သြားသည္ကိုလည္း အမွတ္တမဲ့မို႔ မမွတ္မိေတာ့ပါ။ အမွန္အတိုင္းေျပာရလွ်င္ ပထမ တစ္ႏွစ္ ႏွစ္ႏွစ္ေလာက္သာ စိတ္ပါ၀င္စားခဲ့ၿပီး ေနာက္ပိုင္း ၾကမ္းတိုက္ရသည္ကို မေပ်ာ္ရႊင္ေတာ့ပါ။ လူပ်ိဳေပါက္ျဖစ္လာ၍ အျခား အေပ်ာ္အပါးေတြကို အာရံုေရာက္သြားသည္လည္းျဖစ္ႏိုင္ပါသည္။ အခု အသက္၃၀ေက်ာ္သမားႀကီး ျပန္စဥ္းစားၾကည့္ေတာ့ ေပ်ာ္စရာေတာ့အေကာင္းသားလို႔ ထင္မိပါသည္။ ၾကံဳလ်င္ လုပ္ၾကည့္ခ်င္ပါေသးသည္။ အိမ္လည္း ခိုင္ခံ၍ မၿပိဳႏိုင္ေသးဘူးဆိုလွ်င္ေပါ့။

ေနာက္ထံုးစံတစ္ခုမွာ ဘုရားေရသပၸာယ္ျခင္းျဖစ္ပါသည္။ အိမ္ဘုရားစင္တြင္ရိွေသာ ဘုရားဆင္းထု ႀကီးႀကီးေသးေသးမ်ားကို ပင့္ေဆာင္၍ ေရဇလံုႀကီးမ်ားထဲတြင္ ေရေမြးနံသာမ်ားထည့္၍ သပၸာယ္ေဆးေၾကာၾကပါသည္။ ဘုရားဆင္းထုမ်ားမွာ တစ္ႏွစ္မွ တစ္ခါပဲေရသပၸာယ္၍လား မေျပာတတ္ပါ၊ ဖုန္မ်ား၊ ၾကပ္ခိုးမ်ားႏွင့္ ျဖစ္ေနပါေတာ့သည္။ ေသခ်ာေဆးေၾကာသပၸာယ္ၿပီးလွ်င္ေတာ့ သန္႔ရွင္းေတာင္းေျပာင္သြားပံုမွာ အလြန္ၾကည္ညိဳဖို႔ေကာင္းပါသည္။ အိမ္တြင္ ေရႊ၊ ေၾကး၊ ေက်ာက္ဆင္းထုမ်ား အေတာ္မ်ားမ်ားပူေဇာ္ထားေသာ္ေၾကာင့္ ေရသပၸာယ္ရာတြင္ အခ်ိန္ေပးလုပ္ေဆာင္ရပါသည္။ ဘုရားဆင္းထုမ်ားသာမက ဘုရားေက်ာင္းေဆာင္မ်ားကိုပါေဆးေၾကာၾကပါသည္။ ကၽြန္ေတာ္တို႔ ရွမ္းမ်ားမွာ သၾကၤန္ကာလာအတြင္း အိမ္မွဘုရားဆင္းထုမ်ားကို ေရသပၸာယ္ရံုသာမက ဘုန္းႀကီးေက်ာင္း ဘုရားေက်ာင္းမာ်းတြင္ ပူေဇာ္ထားေသာ ဘုရားဆင္းထုမ်ား ေစတီမ်ားကိုလည္း ေရသပၸာယ္ၾကပါေသးသည္။ မနက္ေစာေစာထ၍ ဘုန္းႀကီးေက်ာင္းတြင္းရိွ ဘုရားေက်ာင္းေဆာင္တြင္ လုစု၍ သီလယူအမွ်ေ၀ၿပီးသည္ႏွင့္ ေရဗံုးႀကီးငယ္ အသြယ္သြယ္ႏွင့္ ဘုရားဆင္းထုမ်ားကို တစ္ဆူ မက်န္ ေရသပၸာယ္ၾကပါေတာ့သည္။ ထို႔ေနာက္ မိမိတို႔ တည္ထားကိုးကြယ္လွဴဒန္းခဲ့ၾကေသာ ေစတီေတာ္မ်ားသို႔သြား၍လည္း ေရသပၸာယ္ၾကပါသည္။ ဤထံုးစံမွာ ႏွစ္စဥ္မပ်က္ ယေန႔တိုင္ရိွေနပါေသးသည္။ ထိုသို႔ ဘုရားေ်က်ာင္းမွ ျပန္လာၿပီးသည္ႏွင့္ တစ္ေနကုန္အားေလၿပီ။ လုပ္ခ်င္တာလုပ္ဖို႔အခ်ိန္ပင္ျဖစ္ပါသည္။

သၾကၤန္ထြက္မလည္ျဖစ္သည့္ႏွစ္မ်ားတြင္ ရုပ္ရွင္ဗီဒီယိုေခြမ်ားကို အပံုလိုက္ငွား၍ တစ္ေနကုန္ထိုင္ၾကည့္ဖူးပါသည္။ ဤအက်င့္မွာ အေဖ့ထံမွ လက္ခံရရိွသည့္ အက်င့္မ်ားထဲမွ တစ္ခုျဖစ္ပါသည္။ အၾကၤန္မတိုင္ခင္ အေဖသည္ သူ႔သူငယ္ခ်င္းအေခြငွားဆိုင္မွ ေခြမ်ားကို သြားငွားလာတတ္ပါသည္။ အေခြဆိုင္မ်ားမွလည္း ဤသို႔သၾကၤန္ကာလအတြင္းငွားရမ္းမႈမ်ားကို ေလွ်ာ့ေစ်းေပးၾကပါသည္။ ညေနပိုင္းပ်င္းလာလွ်င္ အစ္ကို၀မ္းကြဲမ်ားကို ပူဆာ၍ ျခံေရွ႕ထြက္၍ ေရပက္ခံကားမ်ားကို ေငးပါသည္။ တစ္ခါတစ္ေလ ေရပက္ၾကပါသည္။ အစ္မမ်ား ဦးေလးမ်ားပါ ပါလာလွ်င္ အေတာ္ပြဲစည္၍ ေပ်ာ္ဖို႔ေကာင္းပါသည္။ အုန္းလက္မပါ ဘာမပါ ေရတိုင္ကီတစ္လံုးႏွင့္လည္း အလုပ္ျဖစ္ခဲ့ပါသည္။ တစ္ခါတစ္ရံ ညေျခာက္နာရီေက်ာ္ေက်ာ္ အိမ္ျပန္ဖို႔ သိမ္းလာေသာ သၾကၤန္ကားမ်ားကို တား၍ ေရခဲေရႏွင့္ ပက္ၾကပါသည္။ ဦးေလးတစ္ေယာက္မွာ ဇေကာႀကီးတစ္ခ်ပ္ႏွင့္ ယပ္ခပ္ေပးလွ်င္ ကားေပၚမွ အပက္ခံသူမ်ား ေအာ္ၾကပံု ျဖစ္ၾကပံု ကို အခုထိ မွတ္မိေနပါေသးသည္။ သန္႔စင္သည့္ ေပ်ာ္စရာ ကာလမ်ားျဖစ္ပါသည္။

၁၀တန္းေအာင္ တကၠသိုလ္ တက္စ အခ်ိန္တြင္ေတာ့ သၾကၤန္မွာ “ေပ်ာ္ေတာ့ ေပ်ာ္ပါသည္၊ သို႔ေသာ္” ျဖစ္လာပါသည္။ အရက္မူးေအာင္ေသာက္ပါသည္။ ေခါင္းမေထာင္ႏိုင္ေအာင္ အန္ပါသည္။ ကားေပၚမွ ျပဳတ္က်မလိုျဖစ္ပါသည္။ ေျခေထာက္ကို လူပိေနေသာေၾကာင့္သာ ျပဳတ္မကျ်ခင္းျဖစ္ပါသည္။ ႏွစ္တုိင္းမူးပါသည္။ ႏွစ္တိုင္း အန္ပါသည္။ လမ္းေလွ်ာက္လည္သည္။ ကားႏွင့္ လည္သည္။ ေဆးေက်ာင္းသားမ်ားႏွင့္ လည္သည္။ အင္ဂ်င္နီယာ ေလ်ာင္းလွ်ာမ်ားႏွင့္လည္သည္။ ကြန္ပ်ဴတာသမားမ်ားႏွင့္လည္သည္။ အက်ီၤခၽြတ္၍ ဗလျပလည္ခဲ့သည္။ မ႑ပ္ေအာက္တြင္ အကလြန္၍ ေဘာင္းဘီဂြၾကားျပဲသြားေသာ သူငယ္ခ်င္းတစ္ေယာက္လည္း ရိွခဲ့ပါသည္။ တစ္ခါေတာ့ ဘြတ္ဖိနပ္ပထမဆံုး၀ယ္၍ သၾကၤန္ လည္ဖို႔ ျပင္ဆင္ပါသည္။ မလည္ခင္ ေရခဲတံုး၀င္၀ယ္ေတာ့ ကူမပါသည္။ ဘြတ္ဖိနပ္မွာ ေရစို၍ အားႏွင့္အင္ႏွင့္ ေရခဲတံုးမသည္တြင္ အေႏွာင့္ကၽြတ္၍ က်န္ပါေတာ့သည္။ ထိုႏွစ္သၾကၤန္ကို ညပ္ဖိနပ္ႏွင့္လည္ခဲ့ပါသည္။ သၾကၤန္သည္ ေနာက္ေတာ့ ေပ်ာ္စရာ မေကာင္းေတာ့ပါ။ မေပ်ာ္တတ္ေတာ့ပါ။ ဆားေပါ့သြားပါသည္။ ဘာလိုသြားမွန္းမသိေတာ့ပါ။

အခုေတာ့ အေ၀းေရာက္သၾကၤန္ ငါးႏွစ္တုိင္ပါၿပီ။ ပထမဆံုး အေ၀းေရာက္သၾကၤန္ကို အင္တာနက္ေပၚတြင္ ဆင္ႏြဲခဲ့ပါသည္။ ထိုႏွစ္က ဗံုးေပါက္ပါသည္။ ယခင္ႏွစ္ကေတာ့ သၾကၤန္သည္ ေအးေအးခ်မ္းခ်မ္းနဲ႔ ျပန္စည္သည္ဟု ျမင္ခဲ့ ၾကားခဲ့ရပါသည္။ အေဖာ္အခၽြတ္သတင္းေတြလည္း အၿပိဳင္အဆိုင္ပင္။ ဒီႏွစ္လည္း လူမူ႕ကြန္ပက္ေပၚမွ ဓာတ္ပံုမ်ားအရ စည္မည္ဟု ထင္ပါသည္။ ေအးခ်မ္းသာယာစြာ စည္ကား၍ အေသအေပ်ာက္ႏွင့္ အမႈအခင္းနည္းလွ်င္ အတိုင္းထက္အလြန္ ၀မ္းသာမိမည္ ျဖစ္ပါသည္။

14-04-2015(2:41PM)


အေတြး ပလံုစီ (၂)

17 February, 2015 (14:56) | Personal, Thought | By: စိုင်းလောဝ်ပိန်း

ယေန႔ သူငယ္ခ်င္းတစ္ေယာက္ေရးထားသည့္ ေဖ့ဘုတ္မွ စေတးတပ္ေလးတစ္ခု ဖတ္လိုက္ရသည္။ သူ႔ဆိုလိုရင္း အက်ဥ္းခ်ဳပ္မွာ အခုေနာက္ပိုင္း စာအုပ္ဖတ္ရမယ့္အစား ဖုန္းကိုသာ ၾကည့္ေနမိေၾကာင္း။ ေဖ့ဘုတ္ေပၚလာၿပီးေနာက္ ေဖ့ဘုတ္ေပၚမွ စာမ်ားသာအဖတ္မ်ားလာေၾကာင္းနဲ႔ ထိုသို႔ဖတ္ျခင္းျဖင့္ အသိဥာဏ္ တိုးလာသလား၊ အသိဥာဏ္ ရႈပ္ေထြးသြားသလား၊ ၊ မဆံုးျဖတ္ႏိုင္ျဖစ္ေနရေၾကာင္း စသျဖင့္ျဖစ္ပါသည္။

သူ႔စေတးတပ္ကို ဖတ္ၿပီးေနာက္ ကၽြန္ေတာ္ အေတာ္ၾကာၾကာစဥ္းစားေနမိသည္မွာ အသိဥာဏ္ တိုးသလား ရႈပ္သလား ဆိုသည့္ ေမးခြန္းကိုပဲျဖစ္သည္။ ကၽြန္ေတာ္ တစ္ေယာက္တည္း အျမင္အရ ေစာစီးစြာ ေကာက္ခ်က္ခ်ရပါလ်င္ ေဖ့ဘုတ္ေပၚမွ စာမ်ား စေတးတပ္မ်ားသည္ အသိဥာဏ္ကို ပို၍ ရႈပ္ေထြးေစပါသည္ဟု ေကာက္ခ်က္ခ်ျဖစ္မည္။ သို႔ေသာ္ ထိုေကာက္ခ်က္သည္ ကၽြန္ေတာ့္အျမင္သာျဖစ္ၿပီး ဒုတိယအႀကိမ္ျပန္စဥ္းစားမိခ်ိန္တြင္ သိပ္မေသခ်ာေတာ့ပါ။ ေနာက္တစ္ႀကိမ္ထပ္စဥ္းစားခ်ိန္တြင္ေတာ့ ကၽြန္ေတာ့္သူငယ္ခ်င္းကဲ့သို႔ မဆံုးျဖတ္ႏိုင္ျဖစ္ရပါေတာ့သည္။

ေဖ့ဘုတ္ေပၚတြင္ ပရိတ္သတ္ေပါင္းမ်ားစြာအတြက္ အေၾကာင္းအရာေပါင္းမ်ားစြာကို ဗဟုသုတအေနျဖင့္ ေရးသားေနသူမ်ားစြာရိွပါသည္။ တစ္ခ်ိဳ႕လည္း အလြန္ေကာင္းပါသည္။ တစ္ခ်ိဳ႕လည္း အလြန္ ေလွ်ာ္ပါသည္။ ဤကိစၥမွာ စာဖတ္သူရဲ႕ ေရြးခ်ယ္မႈက အဓိကျဖစ္သြားပါသည္။ သုိ႔ေသာ္ စာဖတ္သူတိုင္း အမွားအမွန္ခြဲတတ္သူမ်ား မဟုတ္ပါ။ “ဤစာကို ေနာင္ (၇) ရက္အတြင္း လူ (၁၀)ေယာက္ထံ ပို႔ပါ၊ မပို႔ပါက ဘာျဖစ္မည္ ညာျဖစ္မည္၊” စသည့္စာမ်ားကို ယံုယံုၾကည္ၾကည္ ပို႔ေနသူမ်ားစြာ ရိွေနပါေသးသည္။ Internet Hoaxes ေတြ၊ Myths ေတြ ကို ယံုယံုၾကည္ၾကည္ Share ေနသူမ်ားလည္း ထုႏွင့္ေဒးႏွင့္ရိွေနပါေသးသည္။ စာေရးသားေနသူမ်ားတြင္ တကယ့္ေစတနာႏွင့္ ဗဟုသုတရေစလို႔ဌာ ေရးေနသူမ်ားရိွသလို လူမ်ားကို ဆရာလုပ္လို၍ ေရးေနသူမ်ားလည္း ရိွပါသည္။ ဝါဒေရးရာ ျဖန္႔ခ်ီသူမ်ားရိွသလို ေသြးထိုးလံႈေဆာ္ေနသူမ်ားလည္း အမ်ားအျပားရိွပါသည္။ ဒါဆို ကၽြန္ေတာ္တို႔ ဘာကို ယံုၾကည္ရမလဲ။ ေရးသားျဖန္႔ေ၀ေနသူမ်ားအေနႏွင့္ မိမိေရးသားျဖန္႔ေ၀သည့္အေၾကာင္းအရာမ်ား၏ မွန္ကန္တိက်မႈကို မိမိကိုယ္တိုင္ တာ၀န္ယူႏိုင္ဖို႔လိုပါသည္။ သို႔ေသာ္ လူမႈကြန္ယက္ျဖစ္ေသာေၾကာင့္ လူအမ်ားကို ဘာေတြ ေရးရမည္၊ ဘာေတြ Share ရမည္ဟု ကန္႔သတ္ခြင့္မရိွပါ။ ထို႔ေၾကာင့္ ကုိယ္မဖတ္ခ်င္တာမ်ားကို ေက်ာ္ဖတ္သြားရံုမွတပါး အျခားမရိွေတာ့ပါ။ အခ်က္အလက္တစ္ခ်ိဳ႕ကို သံသယ ရိွပါက ယံုသင့္မယံုသင့္ ေလ့လာစူးစမ္းၿပီးမွ ဆံုးျဖတ္ရေတာ့သည္။ ထိုသို႔ ေလ့လာမႈေတြေၾကာင့္ ဗဟုသုတ တိုးပြားႏိုင္သည္ဟုဆိုႏိုင္ေသာ္လည္း ဤသည္မွာ ယခုကိစၥႏွင့္မဆိုင္ပဲ အျခားေသာကိစၼမ်ားႏွင့္သာ သက္ဆုိင္ပါသည္။

ကၽြန္ေတာ္သည္ ႏိုင္ငံေရး မကၽြမ္းက်င္ပါ။ ကၽြန္ေတာ့္ဗဟုသုတလည္း သိပ္မက်ယ္ေသာ အကန္႔အသတ္ႏွင့္ ျဖစ္ပါသည္။ ထို႔ေၾကာင့္ ေဖ့ဘုတ္ေပၚမွ တစ္ခ်ိဳ႕ကိစၥမ်ားသည္ ကၽြန္ေတာ္အတြက္ အလြန္စိတ္ရႈပ္စရာေကာင္းေလာက္ေအာင္ ျဖစ္ရပါသည္။ တစ္ခါက ဆိုလွ်င္ ကၽြန္ေတာ့္ဖုန္းေပၚမွ ေဖ့ဘုတ္ application ကို ဖ်က္ပစ္မိသည္အထိ စိတ္ရႈပ္ခဲ့ရဖူးပါသည္။ (ဆက္စပ္၍ ၾကံဳတံုး ေျပာရလွ်င္ ထိုဖ်က္ပစ္မိသည့္ေန႔က အခ်ိန္အား ေတာ္ေတာ္ေလး ရလိုက္ပါသည္။ ဘာမွ လုပ္စရာမရိွသျဖင့္ ပ်င္းသည့္ဘက္ေတာင္ ယိုင္သြားရပါသည္။) ကၽြန္ေတာ္တို႔ ႏိုင္ငံတြင္ ကိစၥတစ္ခု ျဖစ္ၿပီဆိုလွ်င္ ေဖ့ဘုတ္ေပၚတြင္ ႏွစ္ဖြဲ႕ကြဲေလၿပီဆိုတာ ေျပးၾကည့္စရာမလိုပါ။ တစ္ဖတ္ႏွင့္တစ္ဖတ္ ေစာင္းေျမာင္းေရးသား ဆဲဆိုၾကမည္။ Hate speech ေတြ တက္လာမည္။ ေသြးထိုးသူမ်ားက ယံုလြယ္သူမ်ားကို ခုတံုးလုပ္ၾကေတာ့မည္။ ထိုျဖစ္စဥ္မ်ားမွာ ကၽြန္ေတာ္တို႔ ႏိုင္ငံမွ မဟုတ္၊ အျခားႏိုင္ငံမ်ားတြင္လည္း ရိွမည္ဟု ကၽြန္ေတာ္ ထင္ပါသည္။ သို႔ေသာ္ ကၽြန္ေတာ္တို႔ ႏိုင္ငံတြင္မွ ဘာေၾကာင့္ အက်ယ္အက်ယ္ မၿငိမ္းဖြယ္ေတြ ျဖစ္ေနရပါသနည္း။ ဒီေမးခြန္း၏အေျဖမွာ ကၽြန္ေတာ္ အသိဥာဏ္၏ အလြန္တြင္ ရိွေနပါသည္။ ရွာၾကံ၍ အေကာင္းဘက္ကို ၾကည့္မည္ဆိုပါက ကိစၥတစ္ခုအတြက္ မတူညီသည့္အျမင္မ်ားကို ေတာင့္ေပါင္းစံုမွ အေတြးေပါင္းစံုႏွင့္ ေတြ႕ရမည္ျဖစ္ပါသည္။ သို႔ေသာ္ ထိုအေတြးေပါင္းစံုကို ေလ့လာစူစမ္းရန္မွာလည္း ကၽြန္ေတာ့္ အသိဥာဏ္၏ အလြန္တြင္ ျဖစ္ေနပါသည္။ ကၽြန္ေတာ္ကို အေျဖမရိွေသာ ေမးခြန္းေပါင္းမ်ားစြာျဖင့္ ေဖ့ဘုတ္ဆိုေသာ လူမႈကြန္ယက္က ရစ္ပတ္ထားပါေတာ့သည္။

အခ်ဳပ္ဆိုရလွ်င္ ကၽြန္ေတာ့္ အျမင္အရ ေဖ့ဘုတ္ကဲ့သုိ႔ လူမႈကြန္ယက္မ်ားသည္ အသိဥာဏ္ တိုးတက္ေစသည္မွာ နည္းနည္း၊ အသိဥာဏ္ ရႈပ္ေထြးသြားေစသည္မွာ မ်ားမ်ားဟု ထင္မိပါသည္။ လူမႈကြန္ယက္မ်ားသည္ မိသားစု သူငယ္ခ်င္း ႏွင့္ အျခားနီးစပ္သူအတိုင္းအဝိုင္းမ်ားၾကားမွ လူမႈေရး ကိစၥမ်ားအတြက္သာ အဓိကထား သံုးသင့္သည္၊ သတင္းႏွင့္ ဗဟုသုတတို႔ကိုေတာ့ တိက်ေသာ တာ၀န္ယူနိုင္ေသာ သတင္းအရင္းအျမစ္မ်ား၊ သတင္းဌာနမ်ားမွ ရွာေဖြယူသင့္သည္ ဟု ထင္မိပါေတာ့သည္။

17-02-2015 (02:45PM)


အေတြး ပလံုစီ

9 February, 2015 (18:47) | Personal, Thought | By: စိုင်းလောဝ်ပိန်း

ကၽြန္ေတာ္ ငယ္ငယ္က မိုးတြင္းကို လံုး၀ မႀကိဳက္ခဲ့ပါ။ မိုးရြာလ်င္ စိုစိုစြတ္စြတ္နဲ႔ သြားရလာရ သိပ္ခက္တယ္ဟု ထင္ခဲ့မိပါသည္။ တကယ္လည္း မိုးရြာလွ်င္ သြားရလာရ ခက္ရံုမက ကၽြန္ေတာ္တို႔ အိမ္မွာ အိမ္အိုႀကီးျဖစ္သည့္အေလွ်ာက္ မိုးယိုပါသည္။ မိုးပက္ပါသည္။ ဒီေတာ့ မိုးရြာလွ်င္ ေအးေဆးမေနရပါ။ မိုးယိုသည့္ေနရာမွာ ေရပံု ေရဇလား ေျပးခံရပါသည္။ မိုးရြာလွ်င္ ထံုးစံအတိုင္း မီးပ်က္ေလ့ရိွပါသည္။ ဒီေတာ့ အေမွာင္ထဲမွာ ထိုင္ေနရေလ့ရိွပါသည္။ အိမ္ေခါင္သြပ္မိုးေပၚသို႔ မိုးေပါက္က်သံမ်ားမွာ လိုအပ္သည္ထက္ ပို၍ က်ယ္ေလာင္သည္ဟု ထင္ခဲ့မိပါသည္။

ဒီလို မိုးရာသီကို ကၽြန္ေတာ္ မုန္းတတ္ခဲ့ပါသည္။ လူမ်ားေတြ ေကာင္းလွပါခ်ည္ရဲ႕ဆိုသည့္ မိုးရာသီဘြဲ႕သီခ်င္းမ်ားကိုလည္း နားမ၀င္ခဲ့ပါ။

တစ္ဆယ္ခုႏွစ္တစ္စုစာ နီးပါး ကုန္လြန္ခဲ့ေလၿပီ။

ဒီေန႔ေတာ့ ပ်င္းပ်င္းရိွ စာအုပ္ေတြ လွန္ရင္း ေနာင္အားလွ်င္ဖတ္ရန္ လွ်ာထားေသာ ဆရာမ မိုးမိုး(အင္းလ်ား)၏ ျမဴေမွာင္ေ၀ကင္း အစ ၂မ်က္ႏွာေလာက္ကို ဖတ္ၾကည့္လိုက္မိပါသည္။ ခ်က္ခ်င္းဆိုသလို လြန္ခဲ့ေသာ ၁၀ႏွစ္ႏွီးပါးက မိုးရြာေနစဥ္ အိမ္အိုႀကီး၏ အေမွာင္ထဲတြင္ ထိုင္၍ မိုးစက္က်သံမ်ား နားေထာင္ေနမိသည္ကို ျပင္းျပင္းထန္ထန္ ျပန္သတိရမိပါသည္။ ထို႔ေနာက္ ရင္ဘတ္အစံုသည္ ငယ္ဘ၀က မိုးႏွင့္ ပတ္သတ္၍ သတိရစရာမ်ားကို လႈတ္လႈတ္ခတ္ခတ္ ခံစားေနမိပါေတာ့သည္။

အခုေတာ့ မိုးရြာေနစဥ္ အေမွာင္ထဲမွာ ဘာမွမလုပ္ဘဲ ထိုင္၍ မိုးေပါက္က်သံမ်ားကို နားေထာင္ေနရသည္မွာ အရသာ ရိွလွသည္ဟု ထင္ေနမိပါသည္။ တစ္ဆက္တည္း ကၽြန္ေတာ္ သံုးတန္း ေလးတန္း အရြယ္ ေလာက္က မိုးရြာေသာ တစ္ညေနခင္းတြင္ ျခံထဲ မိုးေရ ဆင္းခ်ိဳးခဲ့တာကိုလည္း သတိရမိပါသည္။ မိုးေရခ်ိဳးၿပီး အိမ္ေပၚေျပးတတ္လာေတာ့ အေမက ဆီးႀကိဳၿပီး ေရစင္ေအာင္ သုတ္ေပးခဲ့တာကို အမွတ္ရၿပီး ၾကည္နူးေနမိပါသည္။ ကၽြန္ေတာ္မွာ ငယ္စဥ္က ခ်ဴခ်ာလြန္း၍ မိုးေရထဲ ဆင္းေဆာ့ကစားေလ့ မရိွပါ။ ထိုစဥ္က ကိုင္ဇာ၏ မိုးသီခ်င္း ကက္ဆက္ေခြကို ဖြင့္ထားသည္ကိုလည္း မွတ္မိေနပါသည္။ အခုခ်ိန္ ျပန္နားေထာင္ရလွ်င္ အလြန္နားေထာင္ေကာင္းမည့္ သီခ်င္းမ်ားျဖစ္မည္ဟုလည္း ထင္ေနမိပါေတာ့သည္။

ထိုအေတြးမ်ားသည္ စကၠန္႔ပိုင္းအတြင္း ကၽြန္ေတာ့္ေခါင္းထဲတြင္ ပလံုစီ၍ ေပၚလာပါသည္။ ဒီလိုဆို မိုးရာသီကို ကၽြန္ေတာ္ မမုန္းေတာ့ဘူးလား ဟု ကၽြန္ေတာ့္ကို ကၽြန္ေတာ္ ျပန္ေမးၾကည့္မိပါသည္။ သိပ္ေတာ့မေသခ်ာပါဟု အေျဖရပါသည္။ အခုအခါ မိုးရာသီကို ကၽြန္ေတာ္ မခ်စ္ေတာင္မွ မမုန္းေတာ့ပါ။ အမွန္ေတာ့ ရာသီဥတုတိုင္းတြင္ သူ႔အမွတ္ရစရာႏွင့္သူ အျပည့္ရိွေနသည္ မဟုတ္ပါလား။

၀၉-၀၂-၂၀၁၅ (၆း၃၉ ညေန)


အပြေးသမားတစ်ယောက်

13 August, 2014 (21:18) | Poems, Thought | By: စိုင်းလောဝ်ပိန်း

အပြေးသမားတစ်ယောက်
ပြေးတယ်
ဘာကို
ပြေးနေသလဲ
ဘာအတွက်ပြေးနေသလဲ
မသိဘူး ဝေးလေ ပြေးလေ
ရှေ့ငါးပေအကွာဟာ သူ့ရဲ့ လက်ရှိ ပန်းတိုင်ပဲ ခြေထောက်တွေက
စက်ပစ္စည်းတစ်ခုသာ ခေါင်းထဲမှာ
ဘာမှမတွေး တွေးချင်ရာတွေး ပြီး
မမှတ်မိတော
ဇောနဲ့ချုပ်နှောင် ဆားတွေအငွေ့ပြန်ပြေး
အသက်ရှူသံမမှန် အသက်ရှူသံမှန်မှ
ဖြစ်မယ် နောက်ဆိုအမောဆို့ဖို့ပဲ ပြေးနေဆဲ ပြေးနေမြဲ
လမ်းကြောင်းရှိသရွှေ့ပြေးပေး လက်ခုတ်သံတွေ
မကြားတကြား မလိုသလို
နားထဲက သီချင်းသံတွေ ကတ္တရာလမ်းပေါ် လျှမ်ကြခဲ့
ကျွမ်းထိုးမှောက်ခုန် ပြီးတော့ ပန်းတိုင်တွေ
မလိုချင်တော့ဘူး ပန်းတိုင်ကို မျှော် ဘ၀ဆိုတာ
လုံးနေသ၍ ပတ်ချာချာလည်ပြေး နွားကြီး
တိုင်ပတ်သလို ပြေး ကိုယ်ဘာသာ
ညှဉ်းဆဲမှုဟာ ကိုယ်ကိုယ်တိုင်ရွေးချယ်မှု ဟုတ်မဟုတ်
ပြေးနေဆဲ ပြေးနေမြဲ ရှိသမျှသွေးကြောတွေ
ခုန်ပေါက် လက်ကျန်အသက်ဓာတ်နဲ့ အပြေးသမားတစ်ယောက်
ပြေးတယ် ဘာကို ပြေးသလဲ ဘာအတွက်လဲ မသိတော့

ဂျွန် ၆၊ ၂၀၁၄ ၃နာရီ၄၃မိနစ် ညနေ


အလွမ်းဟာ တောင်တန်းတွေကို ကျော်ပြီး အိမ်ပြန်ရောက်သွားတယ်

27 March, 2014 (15:52) | Poems | By: စိုင်းလောဝ်ပိန်း

တကယ်ဆို ငါကိုယ်တိုင်က မျှော်ဆန့်ငေး နေရုံ မြို့ကလေးပါ
အမှောင်တွေထဲကို တိုးဝင် ဝပ်ထွားလို့ ရိုကျိုး
အလင်းရဲ့အစွန်အဖျား အနားသတ်လေးမှာ ကျွမ်းလောင်ဆဲ ကျေးလက်လေးဆီသို့
အလွမ်းနဲ့ နာရီတွေ ဦးတည်လိုက်မိပါရဲ့
တရွတ်တိုက် နှစ်မြုပ်ခဲ့တဲ့ ဘဝလေးတစ်ခု စီးဆင်းဖို့

အဆင်မပြေမှုတွေထဲ လက်လျှို ထားခဲ့တာ ကြာပြီပေါ့
ဂျိုကာ ဘယ်နှစ်ကောင် ရရ မနိုင်နိုင်တဲ့ ကစားဝိုင်းပါပဲ
သေမင်းရဲ့ အံစာဟာ ၇ မျက်နှာရှိသတဲ့ **
စိတ်ရှိတိုင်း လွှတ်ချ
ကမ္ဘာမြေမှာ အဝါရောင်တွေ ပါးလျှခဲ့ပြီ

ဒီလိုနဲ့
ညအမှောင်က ငါ့ပြတင်းပေါက်လေးကို ခပ်ဝေးဝေး ရွှေ့ပစ်
ဆောင်းအိပ်မက်ဟာ ဆောင်းနဲ့ နွေဦးကြား စက်ဘီးလေးနဲ့ တစ်ရွေ့ရွေ့သွား
မျှော်လင့်ချက်တွေ အမြီးတန်း ဆန့်ငေး

ဆော်လမွန်ငါးတို့ငဲ့
ပြန်စရာမြစ်ချောင်းတွေလည်း ကော ခဲ့ပြီကော

၁၂-ဖေဖော်ဝါရီလ-၂၀၁၄ ညနေ ၃:၃၅မိနစ်
(**from The Book Thief by Markus Zusak)


ေၾကာင္

21 January, 2014 (14:39) | Uncategorized | By: စိုင်းလောဝ်ပိန်း

2013 review

28 December, 2013 (18:22) | Personal, Reading | By: စိုင်းလောဝ်ပိန်း

၂၀၁၃ ကုန်တော့မယ်ဆိုတော့ ဒီနှစ်မှာ ဘာတွေ လုပ်ခဲ့ အောင်မြင်ခဲ့လဲ ဆိုတာ ပြန်စိတ်ကူးကြည့်ချင်စိတ်တွေ ကျွန်တော် စိတ်ထဲ ထူးထူးခြားခြားဖြစ်လာတယ်။ အရင်တွေတုန်းကတော့ ဒီလိုမစဉ်းစားမိခဲ့ဖူးလေ။ တကယ်တမ်း ပြန်စဉ်းစားကြည့်လိုက်တော့ ၂၀၁၃ နှစ်က ဝိုးတိုးဝါးတားရယ်ပါ။ အသက် ၃၀ မှာ တစ်နှစ်အတွင်းလုပ်ခဲ့သမျှကို ဝိုးတဝါးဖြစ်နေတယ်ဆိုတော့ ကိုယ့်ကိုကိုယ် အားမရတာတော့ အမှန်ပါပဲ။ ငါဦးနှောက်တွေ အားနည်းနေပြီလားပေါ့။ မဟုတ်သေးပါဘူးပေါ့နော်။

နှစ်စပိုင်းမှာတော့ မင်္ဂလာဆောင်မယ့် ကိစ္စတွေနဲ့ ရှုပ်နေခဲ့တာပါ။ ဧပြီလ ၇ ရက်နေ့မှာ ရန်ကုန်ပြန်ပြီး မင်္ဂလာဆောင်ပါတယ်။ ဟန်းနီးမွန်း ငွေဆောင် သွားပါတယ်။ မိသားစုအများကြီးပါတဲ့ ခရီးစဉ်ပါပဲ။ နောက်ထပ် ရန်ကုန်ကို နိုဝင်ဘာလထဲမှာ ၉ – ၁၃ ပြန်လိုက်သေးတယ်။ ကျွန်တော့် ဇနီးရဲ့ အစ်မ မင်္ဂလာဆောင်မို့ပါ။

၂၀၁၃ မှာ သီချင်းအသစ်တွေ နားထောင်တာ၊ ကြိုက်တာ နည်းသွားတယ်။ နားထောင်မိသမျှ အဟောင်းထဲမှာပဲ တဝဲဝဲလည်ပေါ့။ ကဗျာ နည်းနည်း ပြန်ရေးဖြစ်တယ်။ ဂျွန်၊ ဂျူလိုင် နဲ့ သ​ြဂုတ်လတွေ မှာ အရေးများတယ်။ နောက်ပိုင်း အရေး ပြန်ကျဲသွားတာပဲ။ Blogလည်း ခပ်ကျဲကျဲ ပြန်ရေးဖြစ်တယ်။ အင်္ဂလိပ်ဘလော့ကတော့ နည်းပညာနဲ့ အလုပ်ပိုင်းဆိုင်ရာတွေပဲ အရေးများတယ်။ ဒီ ဘယ်သူမှ မဖတ်တဲ့ ဗမာဘလော့ မှာတော့ ကဗျာနဲနဲရေးဖြစ်တယ်။ ဘလော့တွေကိုတော့ တစ်လကို ငါးဒေါ်လာပေးရတဲ့ hosting ကိုပြောင်းလိုက်ပြီ။ ဒီနှစ်အတွင်း ၂နေရာလောက်ပြောင်းဖြစ်တယ်။ အခုhosting ကတော့ အဆင်ပြေလောက်ပြီ ထင်ပါရဲ့။

ဓာတ်ပုံနဲ့ ပတ်သတ်လို့ အမှတ်တရအချို့ရှိတယ်။ ဘယ်တုန်းကမှ ဓာတ်ပုံရိုက်တာ ဝါသနာ ပါလိမ့်မယ်လို့ ကိုယ့်ကိုကိုယ် မထင်ခဲ့။ မင်္ဂလာဆောင်ခါနီးတော့ GoPro ကို ကြေငြာမှာတွေ့တယ်။ ကြိုက်တယ်။ စမ်းကြည့်ချင်တယ်။ ချက်ချင်းပဲ ဝယ်ဖြစ်တယ်။ ငွေဆောင်သွားရင် ရေအောက်မှာ စမ်းရိုက်မယ့် အကြံနဲ့။ ငွေဆောင်မှာ လှိုင်းပုတ်လို့ ပင်လယ်ထဲ ကျပျောက်ပါတယ်။ စင်ကာပူပြန်ရောက်တော့ ဇနီးက Canon EOS M လက်ဆောင် ပြန်ဝယ်ပေးပါတယ်။ ဝယ်ဖို့အစီအစဉ် မရှိဘဲ ကုန်တိုက်ထဲ လျှောက်ကြည့်ရင် ကင်မရာတန်းဘက်ရောက်တုန်း ခဏဝင်က​ြည့်ရင်း ဝယ်ဖြစ်သွားတာပါ။ နောက်တစ်လ နှစ်လလောက်ကြာတော့ M ဈေးက ထိုးကျတော့တာပါပဲ။ Flicker မှာ 1 terabyte အလကားပေးတယ်ဆိုလို့ အဲမှာ ဓာတ်ပုံတွေ တင်ဖြစ်ပါတယ်။ အညံ့စားတွေပေါ့ဗျာ။

အလုပ်နဲ့ ပါတ်သတ်ပြီးတော့ ရာထူးတက်တယ်။ လခတိုးတယ်။ လက်ရှိ Product ကို function အသစ်တွေ နဲ့ bug fixed တွေ ရေးပေးဖြစ်တယ်။ အဓိက လုပ်ဖြစ်တာတော့ iPad apps တွေပဲ။ အရင်က ordering system ကိုပဲ versions တွေ အများကြီးထပ်တိုးတယ်။ Features အသစ်တွေ Bug Fixed တွေပေါ့။ နောက် Self Service အတွက်အသစ်ရေးဖြစ်တယ်။ ပထမversion က Interface က မလှလို့ နောက်ထပ် အများကြီးအားထုတ်လိုက်ရတယ်။ အခုတော့ version 7 တောင်ရောက်နေပြီး ဆိုင် ၂ ဆိုင်မှာ သုံးနေပြီ။ Apple App Store မှာ တင်ဖို့မရည်ရွယ်တဲ့အတွက် လွတ်လွတ်လပ်လပ် ရေးနိုင်တာ တစ်ပန်းသာတယ်။ ဒါပေမယ့် လက်ပျက်ကြီးဖြစ်သွားတာတော့ဆိုးမယ်ထင်တယ်နော်။ အခုတော့ iPad အလုံးရေ ၁၀၀ကျော်သွားပြီမို့ ရိုးရိုး Developer account ကနေ Enterprise Account ကိုပြောင်းလိုက်ရတယ်။ Enterprise က in-house ပဲဆိုတော့ တရားမဝင်မှန်း သိပေမယ့် ဒါနဲ့ပဲ ဆက်သွားနေသေးတယ်။ အဆင်ပြေတဲ့အထိ ဒီလိုပဲ သွားဖြစ်မယ် ထင်ပါတယ်။ နောက်တစ်ခုက Cloud Server အစအဆုံးရေးဖြစ်တယ်။ CakePHP နဲ့ BIRT ကိုသုံးပြီး data နဲ့ report တွေ သိမ်းတာ ပြတာတွေပါပဲ။ ခက်ခဲပေမယ့် ပျော်စရာ အတွေ့အကြုံပါ။ သူ့ကျေးဇူးနဲ့ Amazon EC2 server ကိုလည်း အစအဆုံး setup လုပ် manage လုပ်တတ်သွားပါတယ်။ ဘလော့မှာလည်း Ubuntu Server သုံးထားလို့ သိပ်တော့အခက်အခဲမရှိပါဘူး။

ဒီနှစ်ထဲမှာ ထူးခြားတာကတော့ စာတွေ ပိုဖတ်ဖြစ်တာပဲ။ အလုပ်နဲ့ အိမ်က အသွား ၁နာရီကျော် အပြန် ၁နာရီကျော်ဆိုတော့ အလုပ်လုပ်တဲ့နေ့တွေမှာ စာဖတ်ချိန် တစ်နေ့ ၂နာရီလောက်တော့ အနည်းဆုံးရှိတာပဲ။ ရထားကြီးဟာ ကျွန်တော့ စာဖတ်ခန်း စာကြည့်တိုက်ဖြစ်လာတော့တာပါပဲ။ ဘယ်နှစ်အုပ်ဖတ်ဖြစ်ခဲ့မှန်း မသိတော့ပါဘူး။ မှတ်မိသလောက်တော့ အောက်မှာ List လုပ်ကြည့်ထားပါတယ်။ ကြွားတာ မဟုတ်ဘူးလို့လည်း ကြိုပြောထားပါရစေ။ ဖတ်ဖူးပြီးကြောင်း မှတ်တမ်းလေးတစ်ခုပါပဲ။ ဒီနှစ်တော့ ဒီလောက်ပါပဲလေ။

J.K Rowling – The Casual Vacancy
Arnold Schwarzenegger – Total Recall
Khaled Hosseini – And the Mountains Echoed
Orson Scott Card – Ender’s Games
Robert Galbraith – The Cuckoo’s Calling
Eric Ries – The Lean Startup
Dan Brown – Inferno
Dan Brown – Digital Fortress
Guy Delisle – Burma Chronicles
Guy Delisle – Pyongyang
J. R. R. Tolkien – The Hobbit
သော်တာဆွေ – ကျနော့် ဘဝဇာတ်ကြောင်း
ရွှေဥဒေါင်း – တစ်သက်တာမှတ်တမ်း နှင့် အတွေးအခေါ်များ
ဇာဂနာ – ပထမ
ဇာဂနာ – ဒုတိယ
ဂျူး – အောက်ခြေသန်းတစ်ထောင်
ဟိန်းလတ် – တရုတ်နိုင်ငံရေး သုခမိန် တိန့်ရှောင်ဖိန်
မသီတာ (စမ်းချောင်း) – ဒေါ်အောင်ဆန်းစုကြည်အတွက် စာတစ်စောင်
မသီတာ (စမ်းချောင်း) – စမ်းချောင်း အင်းစိန် အောက်စဖို့
ကျော်ဝင်း – ကွန်မြူနစ်တို့ နေဝင်ချိန်နှင့် နေထွက်ချိန်
ဦးဗဆွေ (၀န်ကြီးချုပ်ဟောင်း) – တော်လှန်ရေး၏ မြှုပ်ကွက် ရှုပ်ကွက်များ
ရဲဘော် ဖိုးသံချောင်း – ကျောင်းသား ထောင် တော်လှန်ရေး
သုခမိန်လှိုင် – ရတနာသိုက်
ဖော်ဝေး – ဒိုင်ယာရီ
မောင်သိန်းဇော် – တောင်ကုန်းအဟောင်းတွေ
စိုင်းဝင်းမြင့် – ဘယ်သူပြောပြော ကိုယ်ပြောတယ်
စိုင်းဝင်းမြင့် – ပျော်ရွှင်ဖွယ်ရာ ကမ္ဘားးးးး
အောင်ဒင် – ရန်ကုန် ငြိမ်းချမ်းရေ ကဗျာစု (၂၀၀၀ – ၂၀၁၃)
သခင်သန်းထွန်း၏ နောက်ဆုံးနေ့များ
ဝင်းမြင့် – အလွန်လှပသော ကော်ပတ်ရုတ်
လှသန်း – ကျွန်တော်ရဲ့ယခုအချိန်နှင့် အခြားမငြိမ်သက်မှုများ


Singapore Night

7 December, 2013 (22:15) | photo | By: စိုင်းလောဝ်ပိန်း

ဒီဇင်ဘာ ၁၃ / ဒီဇင်ဘာအပိုတွေ

6 December, 2013 (20:56) | december, Poems | By: စိုင်းလောဝ်ပိန်း

လူတိုင်းဆောင်းရာသီကိုနှစ်သက်ကြတာပဲ။
ငါကျမှ ဘာပို ထူးမလဲ
ဒီလို
ထပ်ခါထပ်ခါဒီဇင်ဘာတွေ / ဒီဇင်ဘာအပိုတွေ ညှပ်ညှပ်ထုတ်ပစ်ခဲ့
ဘ၀ရဲ့ စက်လက်မောင်းတွေ ရှည်လျားရာ
မုန်တိုင်းကမ္ဘာမှာ ဒီဇင်ဘာဟာ မပျော်ရွှင်နိုင်တော့ဘူး။

ကြာတော့
အရောင်တွေကလှလိုက်တာဆို အဖြူနဲ့အမည်း
ဒီဇင်ဘာအသစ်စက်စက်တွေလည်း ချက်ချင်းအိုဟောင်းသွား
တားမြစ်တောထဲက ရောင်စုံပန်းသီးတွေလည်း ပုတ်သိုးသွား
ဆွေးမြေ့ဟောင်းနွမ်းလှချည်ရဲ့ ဒီဇင်ဘာ ဆွေးမြေ့ဟောင်းနွမ်းလွန်းလှချည်ရဲ့…

ဆောင်းငိုတော့ နှင်း
ဒီဇင်ဘာငိုတော့ ကဗျာ
ကဗျာတွေ ငိုပြီလား ဒီဇင်ဘာ
(ကဗျာ့မျက်ရည် စာရွက်ပေါ်ကျကောင်းရဲ့လား)

ဘက်ထရီကုန်သွားတော့မယ့် ဒီဇင်ဘာ
နောက်ဆုံးအားလေး ညစ်ထုတ်ပြီး လင်းဖို့ကြိုးစား
လူကြုံပေးလိုက်တဲ့ ဒဏ်ရာတွေတောင် လွှတ်လှလာ
ရေတံခွန်တွေထဲက နှင်းစက်လေးတစ်ပွင့်သာ…

၂၅ နိုဝဘာ ၂၀၁၃ (၁ဝ၄၅ ည)


Hosting ပြောင်းခြင်း 2

8 March, 2013 (20:59) | blog, hosting, Personal | By: စိုင်းလောဝ်ပိန်း

Hosting ပြောင်းခြင်း

အရင်နေ့က hosting ပြောင်းခဲ့ကြောင်း ရေးခဲ့တယ်။ ဒီနေ့တော့ ဘာအခက်အခဲတွေတွေ့ခဲ့သလဲဆိုတာ မှတ်တမ်းတင်ထားချင်တယ်။

ထုံးစံအတိုင်း WordPress တွေ ပြောင်းကြ ရွှေ့ရပြီ ဆိုရင် database backup လုပ် ပြီးရင် အသစ် မှာ import ပြန်လုပ်ပေါ့။ ဒါက အလွန်လွယ်တယ်။ ဘာအခက်အခဲမှမရှိ။ sub domain တွေ create လုပ်တာလည်းမခက်ဘူး။

WordPress content တွေကို အဟောင်းကနေ download ချပြီးတော့ အသစ်ကို FTP နဲ့တင်မယ်လုပ်တော့ စပြီးအခက်တွေ့ပြီ။ ပြဿနာက ဟိုအရင် hosting အဟောင်းက Free ဆိုတော့ features အစုံ မရဘူး။ DNS တွေ ဘာတွေ ပြောင်းခွင့်မပေးဘူး။ အဲ့တော့ အရင်က လူလည်ကြပြီး DNSကို domain name ဝယ်ထားတဲ့ထဲကနေပြီး လျှောက်ပြောင်းထားတာ။ အလကားရတဲ့ hosting ကို point လုပ်ထားတာပေါ့။ ပြီးတော့ main domain ကိုလည်း tumblr ကို point လုပ်ထားသေးတယ်။ Name server လည်း မပြောင်းရသေးဘူး။ FTP ကို ပေးထားတဲ့ FTP.domain.com နဲ့ ဝင်တာ domain name ကို resolve လုပ်တော့ tumblr IP address ချည်းပဲ ထွက်နေတာ။ FTP ဘယ်လိုမှ ချိတ်လို့ မရဘူး။ နောက် စက္ကန့်၃၀၀ အတွင်း အကြိမ် ၂၀ login failed ဖြစ်လို့ဆိုပြီး cPanel အပိတ်ခံရလေရော။

ချက်ချင်းပဲ သူတို့ဆီကို ticket ဖွင့်ပြီး ပြောတော့ ချက်ချင်း ပြန်ဖွင့်ပေးတယ်။ အဲ့ကြ မှ IP address သတိထားမိပြီး name server တွေပြင် DNS တွေ ဖျက်ပြစ် လုပ်ရတယ်။ အဲ့ဒါလည်း FTP ဝင်မရသေးဘူး။ တစ်ခါတစ်လေ DNS propagation က အဆင်မသင့်ရင် ၂ရက်လောက်ကြာတတ်တော့ မစောင့်နိုင်ပဲလျှောက်ရှာတော့မှ cPanel ဘေးတန်းမှာပါတဲ့ shared IP ကို တွေ့တယ်။ အဲ့ဒီ IP သုံးမှ FTP ဝင်လို့ရတော့တယ်။

Blog နှစ်ခုကို upload တင်။ နောက် ဖွင့်ကြည့်တော့ ရတယ်။ main domain ကတော့ မရသေးဘူး။ tumblr ကို point လုပ်ဖို့ DNS ထပ်ပြင်ရတယ်။ ဒီhosting ရဲ့ DNS propagation က နှေးတယ်ပြောရမယ်။ အတော်စောင့်မှ tumblr ကို point လုပ်တော့တယ်။ အဲ့ဒါနဲ့ နေ့တစ်ဝက်ကုန်သွားတာပဲ။ ဒါပေမဲ့ မပြီသေးဘူး။

အိမ်အပြန်လမ်းမှာ blog တင်ချင်တာနဲ့ iPad WordPress app နဲ့ စာရေးတယ်။ blog ကို ချိတ်လို့ ရတယ်။ ရေးပြီးလို့ publish လည်းလုပ်ရော failed ဖြစ်နေတယ်။ Internet ကြောင့်ထင်လို့ အိမ်ရောက်မှ ထပ် တင်ကြည့်တယ်။ မရ။ အဲဒါနဲ့ blog သုံးခုလုံးကို ဖွင့်ကြည့်တယ်။ တစ်ခုမှတက်မလာဘူး။ ကွန်ပျူတာနဲ့ ဖွင့်ကြည့်လည်း တက်မလာဘူး။ DNS အဆင်မပြေ တာလို့ပြောတယ်။ ဒါဆို ခုဏက ဘာလို့ ရနေလဲဆိုပြီး မကျမေနပ် ထပ်ပြီး ticket ဖွင့် သူတို့ဆီ ပူညံပူညံ လုပ်တာပေါ့။

သူတို့လည်း ကူညီရှာပါတယ်။ သူတို့ဘက်မှာတော့ ဖွင့်လို့ ရသတဲ့။ အဲလို အပြန်အလှန် ရေးကြ သားကြ၊ Screenshots တွေ ပို့ကြ နဲ့၊ သူတို့ဆီက support တွေလည်း လူ ခြောက်ယောက်ထပ်မနည်း တစ်ယောက်ပြီးတစ်ယောက် ဝင်စစ်ပေးလိုက် suggest လုပ်လိုက်နဲ့ ည ၁၂ နာရီကျော်သွားတယ်။ မခံနိုင်တော့ဘူး။ မရစ်နိုင်တော့ဘူး။ အဲဒါနဲ့ မနက်ကျ မှ စစ်တော့မယ်ဆိုပြီး အိပ်လိုက်ရတော့တာပဲ။ သူတို့ကတော့ အခု အိမ်က ISP ရဲ့ DNS catch က resolve မလုပ်နိုင်တာလို့ ပြောတာပဲ။ Proxy သုံးလား ဘာလားမေးသေးတယ်။ ဘာ Proxy မှ လည်း မသုံးပါဘူး။

မနက်ကျတော့ ရုံးအသွား ဖုန်းနဲ့ ဖွင့်ကြည့်တော့လည်း တစ်ခုမှတက်မလာသေးဘူး။ နောက် ရုံးနားနီးလာလို့ ထပ်ဖွင့်ကြည့်တော့ တက်လာပြီ။ နှေးနေသေးတယ်။ ရုံးက ကွန်ပျူတာနဲ့ဖွင့်ကြည့်တော့ blog နှစ်ခု က အဆင်ပြေပြေ ပွင့်လာတယ်။ တစ်ခုက Server not found တဲ့။ အဲဒါနဲ့ အခြားကွန်ပျူတာနဲ့ ဖွင့်ကြည့်တော့ ခုနက ဖွင့်မရတဲ့ blog က အဆင်ပြေ ပြေ ပွင့်လာပြီး ဟိုဘက် ကွန်ပျူတာမှာ ရနေတဲ့ blog နှစ်က Server not found ဖြစ်နေပြန်ရော။ ဖုန်းနဲ့ ထပ်ဖွင့်ကြည့်တော့ ၃ခုလုံး အဆင်ပြေနေတယ်။ နဲနဲစိတ်ရှုတ်သွားတော့ Hosting company ကို အဲလို အဲ့လိုတွေ ဖြစ်နေတယ်။ ငါတော့ hosting ပြောင်းမှ ထင်တယ်လို့ ပြောလိုက်တော့ သူတို့က Fully Refund ပေးပါ့မယ်တဲ့။ အဲ့တော့လည်း နေပါဦး ငါ Refund မယူသေးပါဘူး။ DNS propagation ကြောင့်နေမှာပါ။ နောက်ထပ် ၂ရက် ၃ရက်စောင့်ကြည့်လိုက်ပါဦးမယ်။ အဲ့ကြ မှ အဆင်မပြေ ရင် ပြောင်းမယ်လို့ ပြောပြီး အလုပ်ဆက်လုပ်နေလိုက်တော့တယ်။

ခဏနေကြတော့ ရန်ကုန်က သူငယ်ချင်းတစ်ယောက်ကို Online ပေါ်မှာတွေ့တာနဲ့ အကူအညီတောင်းပြီး ဖွင့်ကြည့်ခိုင်းတော့ ၃ခုလုံး အဆင်ပေပြါတယ်တဲ့။ ဒါပေမယ့် ဒီဘက်မှာတော့ တစ်ခုတက်လိုက် တစ်ခုကလြိုက်နဲ့ ဖြစ်တုန်း။ နေ့လည်ပိုင်းလောက် ထပ်စမ်းကြည့်တော့ လည်း ဖြစ်နေတုန်းပဲ။ ညနေပိုင်းလောက်မှ ကွန်ပျူတာနှစ်ခုလုံးမှာ အဆင်ပြေ သွားတယ်။ ဖုန်းမှာလည်း အဆင်ပြေ သွားတယ်။ Post လည်းအသစ်တင်လို့ရသွားတာနဲ့ မနေ့က Hosint ပြောင်းခြင်းဆိုတာတောင် တင်လိုက်သေးတယ်။

အခုတော့ အားလုံးအဆင်ပြေ သွားပြီပေါ့။ :) အဲ့ဒီည ၁၁ နာရီလောက်ကြီး hosting company က support တစ်ယောက် email ပို့ပြီး မေးလာသေးတယ်။ အခြေ အနေဘယ်လိုလဲပေါ့။ လောလောဆယ်တော့ သူ့ဆီ ဘာမှ မပြန်ဖြစ်သေးဘူး။ ခုနနေမှာ အားလုံးအဆင်ပြေပြီဖြစ်ကြောင်း စာပြန်လိုက်ပါဦးမယ်။